Thursday, April 17, 2014

100 മേനി നേട്ടം; ഗവ:ഗേൾസ് ഹൈസ്ക്കൂളിന് സ്വപ്നസാക്ഷാത്കാരം

കഴിഞ്ഞ ഏതാനും വർഷങ്ങളായി എസ്.എസ്.എൽ.സി വിജയശതമാനം 99 ശതമാനത്തിൽ എത്തി 100 മേനി വിജയം ഒരു വിരൽപ്പാട് അകലെവെച്ച് നഷ്ടപ്പെട്ടുകൊണ്ടിരുന്ന ഗവ:ഗേൾസ് ഹൈസ്ക്കൂളിന് ഇത് സ്വപ്നസാക്ഷാത്കാരം. ഈ വർഷത്തെ എസ്.എസ്.എൽ.സി പരീക്ഷയിൽ 100 ശതമാനം വിജയവും 12 പേർക്ക് മുഴുവൻ വിഷയങ്ങൾക്കും എ.പ്ലസ് നേട്ടവുമായി ഗവ:ഗേൾസ് ഹൈസ്ക്കൂൾ ഉപജില്ലയിൽ മികച്ച വിജയം നേടി. 183 പേരാണ് ഈ വർഷം എസ്.എസ്.എൽ.സി പരീക്ഷ എഴുതിയത്. കഴിഞ്ഞ ഏതാനും വർഷങ്ങളായി 100 ശതമാനം വിജയം ലക്ഷ്യമിട്ടുകൊണ്ട് നടത്തിയിരുന്ന പഠനപ്രവർത്തനങ്ങൾ പൂർണ്ണതയിൽ എത്തിയതിന്റെ സന്തോഷത്തിലായിരുന്നു പ്രധാന അദ്ധ്യാപിക കെ.എം. ജാസ്മിയും സഹാദ്ധ്യാപകരും. ടി.എൻ. പ്രതാപൻ എം.എൽ.എ; നഗരസഭാ ചെയർപേഴ്സൺ കെ.ബി. മഹേശ്വരി; പി.ടി.എ. പ്രസിഡന്റ് പി.എച്ച്. അബ്ദുൾ റഷീദ് തുടങ്ങിയവർ അഭിനന്ദനങ്ങൾ അറിയിച്ചു. പി.ടി.എ. യുടെ വക അദ്ധ്യാപകർക്കും മറ്റും മധുരം വിതരണം ചെയ്തു.

Congrates !